Наманган вилояти ҳокими Шавкатжон Абдураззоқов бошчилигидаги делегация Хитой Халқ Республикасига сафарида Шэньчжэнь шаҳрида China Everbright Environment компанияси президенти Люань Зушенг билан учрашув ўтказди.
Учрашувда Чуст туманидаги чиқиндиларни қайта ишлаш бўйича 150 миллион долларлик лойиҳани жадаллаштириш масалалари муҳокама қилинди. Компания ва вилоят ҳукумати 14–16 ой ичида лойиҳани якунлаб, 2027 йилнинг биринчи чорагида ишга тушириш бўйича келишувга эришди.
Лойиҳа натижасида экологик ҳолат яхшиланади, замонавий “яшил технологиялар” жорий этилади ва янги иш ўринлари яратилади.
Шунингдек, сафар давомида Хитойнинг етакчи компаниялари билан инвестиция, саноат ва экология соҳаларида ҳамкорликни кенгайтиришга қаратилган учрашувлар режалаштирилган.