Ўзбекистон Республикаси президенти Шавкат Мирзиёев Финландия Республикаси президенти Александр Стубб билан расмий делегациялар иштирокида музокаралар ўтказди.
Учрашувда икки давлат ўртасидаги ҳамкорликни кенгайтиришга қаратилган қатор муҳим масалалар муҳокама этилди.
➖ Товар айирбошлаш ҳажмини бир неча баробар ошириш, шу жумладан, ўзаро маҳсулот етказиб беришни рағбатлантириш мақсадида Савдони молиялаштириш қўшма жамғармасини ташкил этиш имкониятлари кўриб чиқилди.
➖ Ўзбекистоннинг қишлоқ хўжалиги ва тўқимачилик маҳсулотларини Европа Иттифоқи бозорларига чиқариш учун сертификатлаш лабораторияларини очиш ташаббуслари қўллаб-қувватланди.
➖ Геология ва муҳим материаллар, энергетика, агросаноат, рақамлаштириш, сунъий интеллект, экология, туризм каби соҳаларда кооперацияни кенгайтиришга алоҳида эътибор қаратилди.
➖ 2026 йилда Ҳукуматлараро комиссиянинг навбатдаги йиғилишини ўтказиш ҳамда Ишбилармонлар кенгашини таъсис этиш юзасидан келишувларга эришилди.
➖ Шунингдек, таълим, тиббиёт ва меҳнат миграцияси соҳаларидаги ҳамкорлик масалалари ҳам муҳокама қилинди.
Учрашув икки томонлама муносабатларни янги босқичга олиб чиқиш ва Финландия билан стратегик шерикликни мустаҳкамлашга қаратилган муҳим қадам бўлди.